ကြားကာလပြည်သူ့တရားစီရင်ရေး ဖော်ဆောင်မှုကော်မတီ အစည်းအဝေး အမှတ်စဉ် (၂/၂၀၂၄ )
ကြားကာလပြည်သူ့တရားစီရင်ရေး ဖော်ဆောင်မှုကော်မတီ အစည်းအဝေး အမှတ်စဉ် (၂/၂၀၂၄ )ကို (၂၂-၅-၂၀၂၄) ရက်နေ့ မွန်းလွဲ ( ၁:၃၀)နာရီ အချိန်တွင် စတင်ကျင်းပခဲ့သည်။ အစည်းအဝေးသို့ ကော်မတီဥက္ကဋ္ဌ- ပြည်ထောင်စုဝန်ကြီးချုပ် မန်းဝင်းခိုင်သန်း၊ ဒုတိယဥက္ကဋ္ဌ (၂) -တရားရေးဝန်ကြီးဌာန ပြည်ထောင်စုဝန်ကြီး ဦးသိန်းဦးနှင့် ကော်မတီဝင်များ တက်ရောက်ခဲ့ကြသည်။ ပြည်ထောင်စုဝန်ကြီးချုပ် မန်းဝင်းခိုင်သန်းက အစည်းအဝေးတက်ရောက်သူ များအားလုံး ကိုယ်စိတ်နှစ်ဖြာ ကျန်းမာချမ်းသာကြပါစေကြောင်း၊ ကောင်းမွန်ပြီးလွတ်လပ်မျှတသော တရားစီရင်ရေးစနစ်ကို ဖော်ဆောင်ကာ ပြည်သူများနှင့် နိုင်ငံတကာ၏ ယုံကြည်ကိုးစားမှုကို ရယူသွားကြရန် ကြိုးစားသွားကြရမည် ဖြစ်ကြောင်း အဖွင့်အမှာစကား ပြောကြားခဲ့သည်။ ဆက်လက်၍ အစည်းအဝေးတက်ရောက်လာသူများမှ လတ်တလော တရားစီရင်ရေးလုပ်ငန်းများနှင့် စပ်လျဉ်းသည့် အခြေအနေများအားတင်ပြဆွေးနွေးမှုပြုခဲ့ကြပြီးနောက် ကော်မတီဥက္ကဋ္ဌ- ပြည်ထောင်စုဝန်ကြီးချုပ် မန်းဝင်းခိုင်သန်းက ယခုကာလသည် မိမိတို့၏ အုပ်ချုပ်ရေး၊ တရားစီရင်ရေး၊ တရားဥပဒေစိုးမိုးရေး […]
ကဆုန်လပြည့်နေ့
ဗုဒ္ဓဘာသာဝင်တို့၏ နေ့ထူးနေ့မြတ်ဖြစ်သော ကဆုန်လပြည့်နေ့အခါသမယတွင် နိုင်ငံသူ၊ နိုင်ငံသားများအားလုံး ကိုယ် စိတ် နှလုံး အေးချမ်းကြပါစေကြောင်း တရားရေးဝန်ကြီးဌာနမှ ဆုမွန်ကောင်းတောင်းအပ်ပါသည်။ ကဆုန်လပြည့်နေ့သည် ဂေါတမမြတ်စွာဘုရားရှင် ဖွားမြင်တော်မူခြင်း၊ ဉာဏ်အလင်းရရှိခြင််း၊ တရားဦးဟောကြားခြင်း နှင့် ပရိနိဗ္ဗာန်စံခြင်း စသည့် ဗုဒ္ဓဘာသာဝင်တို့အတွက် အလေးအမြတ်ထားရသော နေ့တစ်နေ့ဖြစ်ပါသည်။ ဗုဒ္ဓမြတ်စွာ၏ အဆုံးအမကို အရင်းပြုသော ဖြောင့်မတ်ခြင်းနှင့် ကျင့်ဝတ်များကို လက်ကိုင်ထား၍ တရားမျှတမှု နှင့် တရားဥပဒေစိုးမိုးရေးတို့အတွက် စွမ်းစွမ်းတမံ ကြိုးပမ်းသွားပါမည်ဟု ကတိပြုအပ်ပါသည်။
ကြားကာလတရားစီရင်ရေးဆိုင်ရာဦးစီးဌာန နှင့် မြေပြင်တရား သူကြီးများ တွေ့ဆုံဆွေးနွေးသည့် အစည်းအဝေးအမှတ်စဉ်(၅ /၂၄) အောင်မြင်စွာကျင်းပပြီးစီး
အမျိုးသားညီညွတ်ရေးအစိုးရတရားရေးဝန်ကြီးဌာန၂၀၂၄ ခုနှစ်၊ မေ လ၊ ၁၈ ရက်နေ့။ကြားကာလတရားစီရင်ရေးဆိုင်ရာဦးစီးဌာန နှင့် မြေပြင်တရား သူကြီးများ တွေ့ဆုံဆွေးနွေးသည့် အစည်းအဝေးအမှတ်စဉ်(၅ /၂၄) အောင်မြင်စွာကျင်းပပြီးစီး အမျိုးသားညီညွတ်ရေးအစိုးရ ၊ တရားရေးဝန်ကြီးဌာနနှင့် မြေပြင်တရားသူကြီးများ တွေ့ဆုံ ဆွေးနွေးပွဲ အမှတ်စဉ်(၅ /၂၀၂၄)ကို (၁၈-၅-၂၀၂၄) ရက်နေ့ မြန်မာစံတော်ချိန် နေ့လည် (၁၀:၀၀) နာရီ အချိန်တွင် စတင်ကျင်းပခဲ့သည်။အဆိုပါ အခမ်းအနားသို့ ကြားကာလတရားစီရင်ရေးဆိုင်ရာ ညွှန်ကြားရေးမှူးချုပ် ၊ ရုံးအဖွဲ့မှူး ၊ ညွှန်ကြားရေးမှူးများ၊ တာဝန်ရှိဝန်ထမ်းများနှင့် မြေပြင်တရားရုံး (၂၆) ရုံးမှ တရားသူကြီးများ၊ ဆက်သွယ်ရေး တာဝန်ခံများ တက်ရောက်ခဲ့ကြသည်။ပထမဦးစွာ တရားရေးဝန်ကြီးဌာန၊ ကြားကာလတရားစီရင်ရေးဆိုင်ရာဦးစီးဌာန ညွှန်ကြားရေးမှုးချုပ် ဦးရန်ကြီးအောင်မှ အစည်းအဝေးသို့ တက်ရောက်လာသော မြေပြင်တရားရုံးများမှ ဆရာ ဆရာမများ အားလုံးနှင့် ဦးစီးဌာနဝန်ထမ်းများအားလုံးအား […]
ကမ္ဘာ့ဆက်သွယ်ရေးနှင့် သတင်းအချက်အလက်နေ့
ဆက်သွယ်ရေးနှင့် သတင်းအချက်အလက်နည်းပညာသည် လူ့အဖွဲ့အစည်းအပေါ်တွင် နက်နဲသောအကျိုးသက်ရောက်မှုများစွာရှိပါသည်။ ကျွန်ုပ်တို့မြန်မာ့နွေဦးတော်လှန်ရေးတွင် သတင်းအချက်အလက်နှင့် ဆက်သွယ်ရေး၏ အရေးပါမှုကို သိသာထင်ရှားစွာ တွေ့မြင်ခဲ့ရပါသည်။ ဆက်သွယ်ရေးကွန်ရက်များနှင့် ဒစ်ဂျစ်တယ်ပလပ်ဖောင်းများသည် သတင်းလွတ်လပ်စွာစီးဆင်းမှု၊ ငြိမ်းချမ်းစွာ ဆန္ဒပြပွဲများကျင်းပရန်နှင့် မြန်မာနိုင်ငံသားများ၏ အသံများကို ကမ္ဘာကကြားသိစေရန် အတွက် အလွန်အထောက်အကူပြုခဲ့ကြောင်း ကျွန်ုပ်တို့မှ အသိအမှတ်ပြုပါသည်။ စစ်အာဏာရှင်လက်အောက်တွင် ဆက်သွယ်ရေးနှင့် သတင်းအချက်အလက်စီးဆင်းမှုသည်အခက်အခဲများနှင့် ကြုံတွေ့နေရသော်လည်း နည်းပညာများကို အသုံးချရာတွင် ပြည်သူများ၏ ခံနိုင်ရည်နှင့် စိတ်ဓာတ်အင်အားကိုလည်း ယနေ့တွင် တပါတည်း လေးစားဂုဏ်ပြု မှတ်တမ်းတင်အပ်ပါသည်။ ဤအခါသမယတွင် မြန်မာနိုင်ငံသူနိုင်ငံသားအားလုံး မျှော်လင့်နေသော စစ်အာဏာရှင်ပြုတ်ကျရေး၊ ဖက်ဒရယ်ဒီမိုကရေစီရရှိရေး နှင့် တိုင်းရင်းသား တန်းတူညီမျှအခွင့်အရေးများရရှိရေး အစရှိသည့် ရည်မှန်းချက်များနှင့်အတူ လွတ်လပ်စွာ ထုတ်ဖော်ပြောဆိုနိုင်ခွင့်၊ အခွင့်အရေးများကို အကာအကွယ်ပေးနိုင်မှုနှင့် လွတ်လပ်လုံခြုံသော ဒစ်ဂျစ်တယ်ပတ်ဝန်းကျင်ကို ဖန်တီးနိုင်ရန် ကျွန်ုပ်တို့ တရားရေးဝန်ကြီးဌာနမှ ကတိကဝတ် […]
Human Rights and Transitional Justice in Myanmar
တရားရေးဝန်ကြီးဌာန ၊ ပြည်ထောင်စုဝန်ကြီး ဦးသိန်းဦးသည် သြစတေးလျနိုင်ငံ Curtin University ၏ ဖိတ်ကြားချက်အရ ၂၀၂၃ ခုနှစ်၊ ဒီဇင်ဘာလ ၄ ရက်နေ့ သြစတေးလျနိုင်ငံ၊ ပါ့သ်မြို့၌ ကျင်းပပြုလုပ်သော Curtin Human Rights Symposiumတွင် Human Rights and Transitional Justice in Myanmar ခေါင်းစဉ်ဖြင့် စာတမ်း ဖတ်ကြားခဲ့ပါသည်။အဆိုပါစာတမ်းဖတ်ပွဲတွင် နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်၏ စီးပွားရေးအကြံပေးအဖြစ် တာဝန်ထမ်းဆောင်ခဲ့ပြီး စစ်ကောင်စီ၏ မတရား ဖမ်းဆီးခြင်းခံရ၍ ထောင်ဒဏ်ချမှတ်ခြင်းခံခဲ့ရသူ Mr. Sean Turnell နှင့် မြန်မာနိုင်ငံဆိုင်ရာ ကုလသမဂ္ဂ အချက်အလက်ရှာဖွေရေးမစ်ရှင် မဟာမင်းကြီးအဖြစ် ဆောင်ရွက်ခဲ့သူ Chris Sidoti လည်းပါဝင် တက်ရောက်၍ ဆွေးနွေးခဲ့ကြပါသည်။အဆိုပါ စာတမ်းဖတ်ပွဲတွင် တရားရေးဝန်ကြီးဌာန၊ […]
ပြည်ထောင်စုဝန်ကြီး၏ နှစ်သစ်ကူးနှုတ်ခွန်းဆက်စကား
၁၃၈၆ခုနှစ် မြန်မာ့နှစ်သစ်ကူးအခါသမယ အတွက် အမျိုးသား ညီညွှတ်ရေးအစိုးရ၊ တရားရေးဝန်ကြီးဌာန ပြည်ထောင်စုဝန်ကြီး၏ နှစ်သစ်ကူးနှုတ်ခွန်းဆက်စကား
ယနေ့ကျရောက်သော အပြည်ပြည်ဆိုင်ရာ သူနာပြုများနေ့အား ဂုဏ်ပြုကြိုဆိုအပ်ပါသည်။
အပြည်ပြည်ဆိုင်ရာ အမေများနေ့၌ မိခင်များကို လေးစားစွာဖြင့် ဂုဏ်ပြုခြင်း
ယနေ့ကျရောက်သော အပြည်ပြည်ဆိုင်ရာ အမေများနေ့၌ ကျွန်ုပ်တို့နိုင်ငံ၏ နွေဦးတော်လှန်ရေးခရီးတွင် အရေးပါသော အခန်းကဏ္ဍမှ ပါရှိကြသော မိခင်များကို လေးစားစွာဖြင့် ဂုဏ်ပြုအပ်ပါသည်။ မြန်မာပြည်သူများ၏ တရားမျှတမှု၊ လွတ်လပ်မှုနှင့် ဒီမိုကရေစီဖယ်ဒရယ်ရရှိရေး တိုက်ပွဲများတွင် ရဲရင့်သောမိခင်များလည်း ပါ၀င်သလို ရဲရင့်သောမိခင်များမှ မွေးထုတ်ပေးသော ရဲဘော်များသည်လည်း ရှေ့တန်းမှ ရပ်တည်နေကြပါသည်။ အမေများနေ့သည် နွေဦးတော်လှန်ရေးတွင် နေရာပေါင်းစုံမှ ပါဝင်နေကြသည့် သူရဲကောင်းများ၏ မိခင်များနှင့်တကွ ကမ္ဘာတစ်ဝှမ်းရှိ မိခင်များ၏ ခြွင်းချက်မရှိသော ချစ်ခြင်းမေတ္တာ၊ ရဲရင့်ခိုင်မာသော ပံ့ပိုးကူညီမှုများအတွက် ကျေးဇူးတင်ကြောင်း ဖော်ပြရမည့် အချိန်ဖြစ်ပါသည်။ ကျွန်ုပ်တို့ မိခင်များ၏ ခြွင်းချက်မရှိသော ချစ်ခြင်းမေတ္တာ၊ အတိုင်းအဆမရှိ မိသားစုကို ပြုစုစောင့်ရှောက်မှု၊ အနစ်နာခံ ပေးဆပ်မှုများကို အမှတ်ရရင်း အမေများနေ့ကို ဂုဏ်ပြုကြိုဆိုလိုက်ပါသည်။
အမျိုးသားညီညွတ်ရေးအစိုးရ၊ တရားရေးဝန်ကြီးဌာန၏ တရားစွဲနှင့်အမှုလိုက်ဦးစီး ဌာန နှင့်မြို့နယ်ဥပဒေတာဝန်ခံများ တွေ့ဆုံဆွေးနွေးခြင်း အစည်းအဝေးအမှတ်စဥ် (၃/၂၀၂၄)
အမျိုးသားညီညွတ်ရေးအစိုးရ၊ တရားရေးဝန်ကြီးဌာန၏ တရားစွဲနှင့်အမှုလိုက်ဦးစီး ဌာန နှင့်မြို့နယ်ဥပဒေတာဝန်ခံများ တွေ့ဆုံဆွေးနွေးခြင်း အစည်းအဝေးအမှတ်စဥ် (၃/၂၀၂၄) အခမ်းအနားကို (၁၀-၅-၂၀၂၄) ရက်နေ့၊ မြန်မာစံတော်ချိန် နံနက် (၉း၃၀) နာရီတွင် ကျင်းပခဲ့ ပါသည်။ ထိုအခမ်းအနားသို့ တရားစွဲနှင့်အမှုလိုက်ဦးစီးဌာနမှညွှန်းကြားရေးမှူးချုပ် ဒေါ်မေနီ၊ ဥပဒေအကြံပေးအရာရှိဒေါ် Yellow Rose၊ တာဝန်ရှိဝန်ထမ်းများ၊ မြေပြင်ဆက်သွယ်ရေး တာဝန်ခံများနှင့် မြို့နယ်(၁၉)မြို့နယ်မှ ဥပဒေတာဝန်ခံ(၂၁)ဦး တို့လည်း တက်ရောက်ခဲ့ကြ ပါသည်။ ရှေးဦးစွာ တရားစွဲနှင့်အမှုလိုက်ဦးစီးဌာနမှညွှန်းကြားရေးမှူးချုပ် ဒေါ်မေနီမှ အဖွင့်အမှာစကား ပြောကြားရာတွင် မြို့နယ်ဥပဒေရုံးများအနေဖြင့် လစဉ်အစီရင်ခံစာများ၊ ဥပဒေအကြံပေးမိတ္တူများနှင့် အမှုပြီးပြတ်ချက်များကို လစဉ်ပုံမှန်ပေးပို့ကြရန်၊ လုပ်ငန်းများ လုပ်ကိုင်ဆောင်ရွက်ရာတွင် ဥပဒေတာဝန်ခံများအနေဖြင့် တာဝန်ယူမှုတာဝန်ခံမှုများ ရှိကြစေ ရန်နှင့် ယနေ့ပြုလုပ်သော အစည်းအဝေးတွင် မိမိတို့မြို့နယ်များ၏ အခက်အခဲများ၊ လိုအပ် ချက်များအား ပွင့်လင်းစွာတင်ပြဆွေးနွေးပေးကြစေလိုကြောင်း ပြောကြား၍ […]
ကမ္ဘာ့ကြက်ခြေနီနေ့
ယနေ့ကျရောက်သော ကမ္ဘာ့ကြက်ခြေနီနေ့တွင် ကျွန်ုပ်တို့ တရားရေး၀န်ကြီးဌာန (MOJ)အနေဖြင့် တော်လှန်ရေးအပေါ် မယိမ်းမယိုင် အကျိုးပြုခဲ့ကြသော ကြက်ခြေနီလှုပ်ရှားမှုများအား အသိအမှတ်ပြုလျက် အထူးကျေးဇူးတင်ရှိပါသည်။ ယခုလိုအကျပ်အတည်းကာလအတွင်း ကြက်ခြေနီအသင်းသည် ကျွန်ုပ်တို့နိုင်ငံနှင့် နိုင်ငံတဝှမ်းရှိ လိုအပ်နေသူအများစုအတွက် မရှိမဖြစ်လိုအပ်သော အကူအညီများနှင့် အထောက်အပံ့များကို ပံ့ပိုးပေးနေသည့် အဖွဲ့အစည်းတစ်ခုဖြစ်သည်။ တော်လှန်ရေးကာလအတွင်း အကန့်အသတ်မရှိသည့် ဆင်းရဲဒုက္ခများ ပြေလျော့စေရန်၊ငြိမ်းချမ်းရေး နှင့် စည်းလုံးညီညွတ်မှုတို့ကို မြှင့်တင်ရာတွင် ကြက်ခြေနီအဖွဲ့တို့၏ မမောမပန်း ကြိုးစားအားထုတ်မှုများအား ဂုဏ်ပြုလျက် နိုင်ငံတဝှမ်းလုံးရှိ ကြက်ခြေနီလှုပ်ရှားမှု အသင်းအဖွဲ့များ အားလုံးဘေးကင်းလုံခြုံကျစေရန် ဆုတောင်း မေတ္တာ ပို့သလိုက်ပါသည်။